لو موبايلك أتسرق

حركتان مخفيتان في إعدادات الموبايل لحمايته عند السرقة ومنع إيقاف تشغيله

لو موبايلك اتسرق، أول حاجة الحرامي بيجري يعملها في أول 10 ثواني هي حاجتين: ينزل ستارة الإشعارات ويقفل النت، أو يفضل ضاغط ضغطة مطولة على زرار الباور ويقفل التليفون خالص عشان تفقده ويصعب عليك تتبع موبايلك.

بس فيه حركتين مخفيين جوه إعدادات الموبايل هيقفلوا الثغرتين دول تماماً ويخلوا الحرامي يقف عاجز وميعرفش يتحرك.

الحركة الأولى: تقفل التحكم في النت والشاشة مقفولة.
ادخل على إعدادات الموبايل وبعدين شاشة القفل (Lock Screen)، ثم إعدادات القفل الآمن (Secure lock settings)، وفعل ميزة قفل الشبكة والأمن (Lock network and security). بكدة لو حاول ينزل الستارة ويقفل الواي فاي أو بيانات الهاتف، الموبايل هيرفض فوراً ويطلب بصمتك.

الحركة الثانية: تمنع إيقاف تشغيل الموبايل نهائياً.
في نفس قائمة إعدادات القفل الآمن، فعل خيار قفل إيقاف التشغيل أو (Require password to power off). بكدة حتى لو الحرامي فضل دايس على زرار الباور عشان يطفي التليفون، الموبايل مش هيقفل ولا هيستجيب إلا لما يدخل الباسورد أو البصمة بتاعتك أنت الأول.

بكدة أنت كتفت أي حد يمسك الموبايل تماماً؛ لا هيعرف يقفل النت ولا هيعرف يطفي الجهاز، وهيفضل الموبايل شغال ومربوط بالنت وتقدر تتتبع مكانه من خلال GPS وتجيبه بسهولة.

ادخل أمن موبايلك وفعل الحركتين دول دلوقتي فوراً قبل ما تفكر في أي حاجة تانية!